Сегодня: четверг, 24 мая 2018г.
Жлобин -

Прогноз погоды

Данные о погоде предоставлены FORECA
USD 1.9972, EUR 2.3425

Курсы валют

1.9972
2.3425
3.2464
Данные о валюте предоставлены NBRB.BY
Есть вопрос?
свяжитесь с нами:
+ 375 (2334) 7 80 90
написать нам

Образование

На Жлобіншчыне прайшлі майстар-класы педагогаў Гомельскай вобласці па дэкаратыўна-прыкладной і фальклорнай творчасці

27.04.2018
280

Нашы бабулі і дзядулі, прабабулі і прадзядулі – носьбіты беларускай культуры. Пагадзіцеся, што гэта так. Бо менавіта яны жылі ў той час, калі не было тэлебачання, інтэрнэта, тэхналогій, якія могуць замяніць чалавека на вытворчасці...

Старэйшае пакаленне шанавала традыцыі сваіх продкаў: яны выконвалі розныя абрады, верылі ў прыкметы, паважалі ручную працу, укладвалі ва ўсё душу і сэрца...

Несумненна, кожнае пакаленне ўносіла ў развіццё культуры штосьці сваё, дзякуючы чаму і цяпер у ёй цесна пераплятаюцца спадчына далёкіх продкаў і сучасныя тэндэнцыі. Гэта і паказалі педагогі Гомельшчыны на майстар-класах па дэкаратыўна-прыкладной і фальклорнай творчасці «Абрадавая атрыбутыка і народная лялька ў святочнай культуры беларусаў», якія прайшлі на базе гарадскога цэнтра творчасці «Эўрыка» і Лукскай сярэдняй школы.

Распачала рэгіянальны майстар-клас педагогаў дадатковай адукацыі, пераможцаў рэспубліканскіх конкурсаў метадыст аддзела навукова-метадычнага і псіхолага-педагагічнага суправаджэння дадатковай адукацыі Нацыянальнага цэнтра мастацкай творчасці дзяцей і моладзі Тамара Сідарэвіч. Яна адзначыла, што нездарма менавіта на Жлобінскай зямлі вырашана было правесці гэта ўнікальнае мерапрыемства, дзякуючы якому педагогі змогуць узяць у сваю творчую скарбонку ўсё ўбачанае тут. Бо на Жлобіншчыне працуюць высокакваліфікаваныя педагогі, якія прымнажаюць і развіваюць нашу культурную спадчыну. Асабліва гэта тычыцца гарадскога цэнтра творчасці «Эўрыка», дзе сабраўся творчы калектыў з вялікім патэнцыялам. Майстар-класы правялі і жлабінчане, і госці з іншых раёнаў Гомельскай вобласці, якія з году ў год пацвярджаюць свой прафесійны статус на рэспубліканскіх конкурсах.

Вельмі цікавым быў майстар-клас «Навучанне ігры на гармоні» ад кіраўніка аб’яднання па інтарэсах «Брачынскія валачобнікі» Акцябрскай раённай гімназіі Вольгі Дульскай. Яна расказала, што каля вытокаў калектыву, які быў створаны ў 1995 годзе, стаяла яна сама, бо педагогу вельмі хацелася, каб дзеці ведалі і шанавалі беларускія традыцыі.

Вольга Гаўрылаўна растлумачыла, у чым заключаецца ўнікальнасць яе калектыву: дзеці вучацца іграць на гармоні без акордаў, на слых. Яны чуюць мелодыю і паўтараюць яе. Не верыце? Мне таксама было незразумела, як такое можа быць. Педагог запрасіла сваіх гарманістаў, якія проста ўзарвалі маленькую актавую залу «Эўрыкі». Удзельнікі майстар-класа былі ўражаны, як дзеці-самавучкі выконваюць «Каханачку», «Базар», «Рудабельскае страданне», розныя беларускія прыпеўкі…Дарэчы, не толькі прысутныя ацанілі майстэрства выканаўцаў. Вольга Гаўрылаўна пахвалілася тым, што нават Прэзідэнт Беларусі Аляксандр Лукашэнка, убачыўшы і пачуўшы «Брачынскіх валачобнікаў» на фестывалі «Кліч Палесся» ў Ляскавічах, высока ацаніў рабят і працу педагога.

Дарэчы, Вольга Гаўрылаўна расказала, што дзейнічае калектыў дзякуючы носьбітам беларускай культуры – дзядулям і бабулям рабят з «Брачынскіх валачобнікаў». Менавіта яны паведалі, якія раней у беларусаў былі касцюмы, дапамагалі вырабляць і ўпрыгожваць іх нацыянальнай вышыўкай, пелі народныя песні, паказвалі танцы, абрады і вучылі дзяцей іграць на гармоні. Так, нават зараз у калектыве ёсць рабяты, якіх зацікавілі ігрой на інструменце старэйшыя родзічы. Затым больш вопытныя юныя музыкі запрасілі гасцей майстар-класа самім паспрабаваць паіграць на гармоніку…

Далей майстар-класы давалі педагог дадатковай адукацыі, кіраўнік аб’яднання па інтарэсах «Арыбал» Жлобінскага гарадскога цэнтра творчасці дзяцей і моладзі «Эўрыка» Уладзімір Панамароў і кіраўнік студыі рукадзелля «Чароўны куфэрак» Рагачоўскага раённага цэнтра творчасці дзяцей і моладзі Марына Кавальчук.

Уладзімір Іванавіч расказаў пра вытокі глінянай беларускай цацкі, якая мае вельмі старажытную гісторыю. Раней людзі не выкарыстоўвалі вырабы з керамікі ў якасці цацак, а надавалі ім значэнне абярэгаў, амулетаў. Напрыклад , конік, якога прапанаваў зляпіць Уладзімір Іванавіч , з’яўляўся слугой сонца, які прыносіў цяпло , праганяў злых духаў і набліжаў вясну. Педагог патлумачыў, што зараз для вырабу гліня-ных цацак выкарыстоўваюць тэхналагічны спосаб: калі часткі вылепліваюцца асобна, а пасля аб’ядноўваюцца ў адно цэлае. Але нашы продкі прымянялі пластычны спосаб: калі з аднаго кавалка гліны шляхам выцягвання фарміраваўся сілуэт жывёлы. Удзельнікі майстар-класа з вялікім задавальненнем узяліся за работу, і ў кожнага з іх атрымаліся вельмі прыгожыя гліняныя конікі. Некаторыя нават узялі іх сабе на памяць.

Марына Кавальчук правяла майстар-клас «Лялька Крупенічка. Тэхналогія і асаблівасці вырабу». Яна расказала, што гэта надзейны абярэг для кожнага дома. Нашы продкі былі ўпэўненыя, што кожная гаспадыня павінна зрабіць яго сваімі рукамі. Раней жанчыны спецыяльна падрыхтоўвалі матэрыял, у якім будуць захоўвацца крупы для лялькі. Спачатку тканіну кіпяцілі ў вадзе з соллю, а потым старанна сушылі. Гэта патрэбна было для таго, каб засцерагчы крупы ад з’яўлення ў іх розных жучкоў. Людзі таксама верылі, што менавіта гэты мяшочак абараняе ад праклёнаў і цёмных сіл. Берагіня Крупенічка была галоўным паказчыкам таго, што сям’я працавітая і заможная. Бо для лялечкі адбіралася самае добрае зерне з атрыманага ўраджаю. Чым больш было збожжа ў ляльцы, тым больш заможнай лічылася сям’я. Кожную вясну лялечак разбіралі, іх уборы прыводзілі ў парадак і бераглі да восені. А пасля збору ўраджаю іх зноў апраналі і ставілі на віднае месца. Таму ўдзельнікі майстар-класа вельмі старанна аднесліся да стварэння лялькі, якую абавязкова паставяць у сваіх кватэрах, каб яна прыносіла дастатак.

Затым гасцей сустракала Лукская сярэдняя школа. Педагог дадатковай адукацыі, кіраўнік аб’яднання па інтарэсах «Натхненне» Таццяна Козка прэзентавала стварэнне лялькі і яе адзення ў традыцыях калінкавіцкага строю. Вучні ўстановы адукацыі правялі экскурсію па музейным пакоі «Наша скарбніца», у вершаваных радках расказалі пра побыт продкаў і пра экспанаты музея. У школе вельмі ганарацца нацыянальнымі касцюмамі калінкавіцкага строю, які быў распаўсюджаны ў вёсцы. Іх зрабілі самі вучні.

Затым Таццяна Міхайлаўна запрасіла прысутных вырабіць ляльку «Падарожніца», якую бралі з сабой у дарогу як абярэг. Я таксама ўключылася ў гэты майстар-клас, і мне вельмі спадабалася, бо так я дакранулася да нашай гісторыі і адчула вялікае задавальненне. Хочацца падзякаваць педагогам, якія выхоўваюць нашых дзяцей, бо хто, як не яны, далучаюць моладзь да спрадвечнага?

Таццяна СКОБЕЛЕВА.

Фота аўтара.

Чтобы быть в курсе событий, регистрируйтесь в наших группах: 

Наша группа в социальной сети "ВКонтакте" - "С новым днём, Жлобин!

Наша группа в социальной сети "Одноклассники" - "С новым днём, Жлобин!" 

Читайте ndsmi.by в "Одноклассниках"

Читайте ndsmi.by в "Контакте"

Читайте ndsmi.by в "Фейсбуке"

Читайте ndsmi.by в "twitter"


Добавить комментарий

Календарь
наверх